December 9, 2021

News window

News around the world

Namibia team: T20 World Cup 2021: கைகொடுத்த தென்னாப்பிரிக்க வீரர்…அயர்லாந்தை வீழ்த்தியது நமீபியா..சாதனை வெற்றி! – namibia beat ireland by 8 wickets and they are through to the t20 wc super 12

டி20 உலகக் கோப்பை முதல் சுற்றுப் போட்டியில் அயர்லாந்து, நமீபியா அணிகள் மோதின. இதில் வெற்றிபெறும் அணி சூப்பர் 12 சுற்றுக்கு தகுதிபெறும் எனக் கூறப்பட்ட நிலையில், நமீபியா அபாரமாக விளையாடி 8 விக்கெட்கள் வித்தியாசத்தில் அசத்தல் வெற்றிபெற்றது.

அயர்லாந்து இன்னிங்ஸ்:

இப்போட்டியில் டாஸ் வென்ற அயர்லாந்து அணி பேட்டிங் தேர்வு செய்து, முதலில் களமிறங்கியது. ஓபனர்கள் ஸ்டெர்லிங் 38 (24), கெவின் ஓ பிரைன் 25 (24) ஆகியோர் சிறப்பான துவக்கம் தந்தனர். அடுத்து ஒன் டவுன் பேட்ஸ்மேன் கேப்டன் பல்பிர்னி தனது பங்கிற்கு 21 (28) எடுத்தார்.

இதனால், அயர்லாந்து அணி 150 ரன்களை சுலபமாக தொட்டுவிடும் என எதிர்பார்க்கப்பட்ட நிலையில் அடுத்துக் களமிறங்கிய அனைவரும் நமீபியா பந்துவீச்சை தாக்குப்பிடிக்க முடியாமல் ஒற்றை இலக்க ரன்களை மட்டும் சேர்த்து ஆட்டமிழந்தனர். இதனால், அயர்லாந்து அணி 20 ஓவர்கள் முடிவில் 125/8 ரன்கள் மட்டுமே சேர்த்தது.

நமீபியா இன்னிங்ஸ்:

இலக்கை துரத்திக் களமிறங்கிய நமீபியா அணியில் ஓபனர்கள் கிரேயக் வில்லியம்ஸ் 15 (16), ஜன் கிரீன் 24 (32) ஆகியோர் பெரிய ஸ்கோர் அடிக்கவில்லை. இநிலையில் அடுத்துக் களமிறங்கிய கேப்டன் எரஸ்மஸ் 53 (49), சில ஆண்டுகளுக்கு முன்பு தென்னாப்பிரிக்க அணிக்காக விளையாடிய வைஸ் 28 (14) ஆகியோர் சிறப்பாக விளையாடி அணிக்கு 18.3 ஓவர்களில் (126/2) 8 விக்கெட்கள் வித்தியாசத்தில் அபார வெற்றியைப் பெற்றுக்கொடுத்தார்கள். இதனால், நமீபியா அணி சூப்பர் 12 சுற்றுக்கு முன்னேறி, முதல்முறையாக பெரிய அணிகளுடன் மோதும் வாய்ப்பினை பெற்றுள்ளது.

இப்போட்டியை தொடர்ந்து இலங்கை, நெதர்லாந்து அணிகள் மோதவுள்ளன. இலங்கை அணி மெகா நெட் ரன் ரேட் (+3.165) வைத்திருப்பாதல் தோற்றாலும் முதல் இடத்தில் நீடிக்கும். இதனால், முதல் சுற்று குரூப் ஏ பிரிவில் இலங்கை, நமீபியா அணிகள் சூப்பர் 12 சுற்றுக்கு தகுதிபெற்றுவிட்டது. குரூப் பி பிரிவில் ஸ்காட்லாந்து, வங்கதேசம் அணிகள் சூப்பர் 12 சுற்றுக்கு முன்னேறிவிட்டது என்பது குறிப்பிடத்தக்கது.

Credit