October 18, 2021

News window

News around the world

ms dhoni: சிஎஸ்கே இத பண்ண போதும்…வெற்றி பெறலாம்: தோனிக்கு அட்வைஸ் செய்யும் கம்பீர்! – gambhir gives advice to csk captain ms dhoni to win ipl 2021 qualifier 1

ஐபிஎல் 14ஆவது சீசனுக்கான லீக் போட்டிகள் அனைத்தும் நடந்து முடிந்துள்ள நிலையில் பிளே ஆஃப் சுற்றுக்கு டெல்லி கேபிடல்ஸ், சென்னை சூப்பர் கிங்ஸ், ராயல் சேலஞ்சர்ஸ் பெங்களூர், கொல்கத்தா நைட் ரைடர்ஸ் அணிகள் முன்னேறியுள்ளன.

இறுதிப் போட்டிக்கு டிக்கெட்:

இன்று நடைபெறவுள்ள முதல் குவாலிஃபையர் போட்டியில் வெற்றிபெறும் அணி நேரடியாக இறுதிப் போட்டிக்கு தகுதிபெற்றுவிடும். தோல்வியடையும் அணி, அடுத்து எலிமினேசன் போட்டியில் ஆர்சிபி, கொல்கத்தா அணிகளில் வெற்றிபெறும் அணியுடன் இரண்டாவது குவாலிஃபையர் சுற்றில் மோதும். இதில் வெற்றிபெறும் அணி இறுதிப் போட்டிக்கு முன்னேறும்.

வெற்றி முக்கியம்:

இதனால், இன்றைய போட்டியில் டெல்லி, சிஎஸ்கே இரண்டு அணிகளுக்கும் வெற்றி மிக முக்கியமானதாகப் பார்க்கப்படுகிறது. சிஎஸ்கே அணி கடந்த மூன்று போட்டிகளிலும் தோற்று, பின்னடைவில் இருக்கிறது. அதுமட்டுமல்ல டெல்லி அணிக்கு எதிராக கடந்த நான்கு போட்டிகளிலும் சிஎஸ்கே வெற்றிபெறவில்லை. இதனால், இன்றைய போட்டியில் வெற்றிபெற்று தங்களின் வலிமையை நிரூபிக்க வேண்டிய கட்டாயத்தில் சிஎஸ்கே இருக்கிறது.

CSK vs DC: தமிழக வீரருக்கு வாய்ப்பு…தோனியின் பலே திட்டம்: சிஎஸ்கே உத்தேச XI அணி இதுதான்!

XI அணியில் பிரச்சினை:

சென்னை சூப்பர் கிங்ஸ் அணியில் இடம்பெற்றிருந்த சுரேஷ் ரெய்னா தொடர்ந்து சொதப்பி வந்தார். இதனைத் தொடர்ந்து அவருக்கு காயம் ஏற்பட்டதால், அணியிலிருந்து நீக்கப்பட்டு ராபின் உத்தப்பா சேர்க்கப்பட்டார். இவர் 2 போட்டிகளில் களமிறங்கி 21 ரன்கள் மட்டுமே அடித்துள்ளார். இதனால், இன்றைய போட்டியில் தமிழக வீரர் ஜெகதீசன் மாற்று வீரராக களமிறங்குவார் என எதிர்பார்க்கப்படுகிறது. அதேபோல், பந்துவீச்சில் தொடர்ந்து சொதப்பி வரும் ஜோஸ் ஹேசில்வுட்டிற்கு பதிலாக, மற்றொரு ஆஸ்திரேலிய பௌலர் ஜேசன் பெ ஃபெகண்டோர்ஃப் சேர்க்கப்படலாம் எனத் தெரிகிறது.

கம்பீர் பேட்டி:

இந்நிலையில் தற்போது பத்திரிகை ஒன்றுக்குப் பேட்டிகொடுத்துள்ள கௌதம் கம்பீர், அணியில் எவ்வித மாற்றமும் செய்யக் கூடாது எனக் கூறியுள்ளார். “ரெய்னா காயத்தில் இருந்து மீண்டாலும், அவருக்கு தொடர்ந்து வாய்ப்பு கொடுக்கக் கூடாது. ராபின் உத்தப்பா கிடைத்த வாய்ப்பை இன்னும் சரியாக பயன்படுத்தவில்லை என்பது உண்மைதான். அவர்மீது எனக்கு அதிக நம்பிக்கை இருக்கிறது. தொடர்ந்து வாய்ப்பு கொடுத்தால் நிச்சயம் சிறப்பாக செயல்படுவார். அதேபோல், ஜோஷ் ஹேசில்வுட்டையும் நீக்க கூடாது. டெல்லி அணியில் 6ஆவது, 7ஆவது இடத்தில் களமிறங்கவுள்ள ரவிச்சந்திரன் அஸ்வின், அக்சர் படேல் போன்றவர்களை இவரால் எளிதில் வீழ்த்த முடியும்” எனக் கூறினார்.

Credit