October 20, 2021

News window

News around the world

moeen ali: மொயின் அலி…நீங்க இத செஞ்சா மட்டும் போதும்: தோனி போட்டுக்கொடுத்த ஸ்கெட்ச்: என்ன தெரியுமா? – csk captain ms dhoni talks to all rounder moeen ali regarding his performance ahead ipl 2021 qualifier 1

ஐபிஎல் 14ஆவது சீசனுக்கான லீக் போட்டிகள் அனைத்தும் நடந்து முடிந்துள்ள நிலையில் பிளே ஆஃப் சுற்றுக்கு டெல்லி கேபிடல்ஸ், சென்னை சூப்பர் கிங்ஸ், ராயல் சேலஞ்சர்ஸ் பெங்களூர், கொல்கத்தா நைட் ரைடர்ஸ் அணிகள் முன்னேறியுள்ளன.

இறுதிப் போட்டிக்கு டிக்கெட்:

இன்று நடைபெறவுள்ள முதல் குவாலிஃபையர் போட்டியில் வெற்றிபெறும் அணி நேரடியாக இறுதிப் போட்டிக்கு தகுதிபெற்றுவிடும். தோல்வியடையும் அணி, அடுத்து எலிமினேசன் போட்டியில் ஆர்சிபி, கொல்கத்தா அணிகளில் வெற்றிபெறும் அணியுடன் இரண்டாவது குவாலிஃபையர் சுற்றில் மோதும். இதில் வெற்றிபெறும் அணி இறுதிப் போட்டிக்கு முன்னேறும்.

சிஎஸ்கேவின் பிரச்சினை:

சென்னை சூப்பர் கிங்ஸ் அணியைப் பொறுத்தவரை ஓபனர்கள் ருதுராஜ் கெய்க்வாட், ஃபாஃப் டூ பிளஸி ஆகியோரும் ஆல்-ரவுண்டர் ரவீந்திர ஜடேஜாவும்தான் தொடர்ந்து ரன்களை குவித்து வருகிறார்கள். இவர்கள் விரைவில் ஆட்டமிழந்துவிட்டால், சிஎஸ்கே 100 ரன்களை கடப்பதே சிரமம்தான். இதனால், இன்றைய போட்டியில் டெல்லி அணி பௌலர்கள், சிஎஸ்கே ஓபனர்களை பவர் பிளே ஓவர்களுக்குள் வீழ்த்த நிச்சயம் கடும் முயற்சிகளை மேற்கொள்வார்கள்.

சிஎஸ்கே வீரரை தாறுமாறாக புகழ்ந்த கம்பீர்…டெல்லி அணிக்கு எச்சரிக்கை: சிஎஸ்கே ரசிகர்கள் கவலை!

காகிசோ ரபாடா, ஆன்ரிக் நோர்க்கியா, ஆவேஷ் கான், ரவிச்சந்திரன் அஸ்வின், அக்சர் படேல் போன்ற மிரட்டல் பௌலர்களை அவர்கள் வைத்திருப்பதால், சிஎஸ்கே ஓபனர்கள் விரைந்து ஆட்டமிழக்க அதிக வாய்ப்புள்ளது. இதனால், சிஎஸ்கேவுக்கு பிரச்சினை ஏற்படலாம் எனக் கருதப்படுகிறது.

தோனி ஸ்கெட்ச்:

இந்த பிரச்சினைகளை எல்லாம் அறிந்த சிஎஸ்கே கேப்டன் மகேந்திரசிங் தோனி, மொயின் அலியிடம் நேரடியாகச் சென்று “நீங்கள் சில போட்டிகளில் சிறப்பாக விளையாடவில்லை. அதைப் பற்றி நினைக்க வேண்டாம். முதல் குவாலிஃபையரில் உங்களது பங்களிப்பு மிகவும் முக்கியம். 40 ரன்கள் மற்றும் ஒரு விக்கெட்டை நீங்கள் எடுத்துக்கொடுத்தால் போதும். அது மிகப்பெரிய பங்களிப்பாக இருக்கும். இதை மட்டும் மனதில் நிலை நிறுத்துங்கள். வேறு எதைப் பற்றியும் சிந்திக்க வேண்டாம்” என தோனி அட்வைஸ் செய்ததாக தகவல் வெளியாகியுள்ளது. தற்போது மொயினின் திட்டம் தெளிவாகிவிட்டதால், இன்றைய போட்டியில் அதிரடி காட்ட வாய்ப்புள்ளதாக தெரிகிறது.

என்ன நடக்கும் என்பதை பொறுத்திருந்து பார்ப்போம். மொயின் அலி, ஐபிஎல் 14ஆவது சீசன் முதல் பாதி ஆட்டங்களில் பேட்டிங்கில் தொடர்ந்து அசத்தி வந்தார். இரண்டாவது பாதி ஆட்டங்களில்தான் சொதப்பி வருகிறார் என்பது குறிப்பிடத்தக்கது.

Credit