October 18, 2021

News window

News around the world

faf du plessis: CSK vs PBKS: ‘அடுத்தடுத்து விக்கெட்’ சிஎஸ்கே தடுமாற்றம்: மானத்தை காப்பாற்றிய டூ பிளஸி…ஆர்சிபி மகிழ்ச்சி! – csk vs pbks first innings score card ipl 53rd league

ஐபிஎல் 14ஆவது சீசன் 53ஆவது லீக் போட்டியில் சென்னை சூப்பர் கிங்ஸ், பஞ்சாப் கிங்ஸ் அணிகள் மோதி வருகின்றன. இதில் டாஸ் பஞ்சாப் கிங்ஸ் அணி முதலில் பந்துவீச்சைத் தேர்வு செய்து, சிறப்பாக பந்துவீசியது.

சிஎஸ்கே இன்னிங்ஸ்:

சென்னை சூப்பர் கிங்ஸ் அணியில் ருதுராஜ் கெய்க்வாட், ஃபாஃப் டூ பிளஸி ஆகியோர் ஓபனர்களாக களமிறங்கினர். இருவரும் சிறப்பான துவக்கம் தருவார்கள் என எதிர்பார்க்கப்பட்ட நிலையில், ருதுராஜ் ஷார்ட் பந்தை அடித்து ஆட முற்பட்டு ஸ்கொயர் லெக் திசையில் ஷாருக்கானிடம் கேட்ச் கொடுத்து ஆட்டமிழந்தார். இதற்குமுன் கடந்த முறையும் பஞ்சாபுக்கு எதிராக இதே மாதிரிதான் ஆட்டமிழந்திருந்தார்.

பஞ்சாப் ஆதிக்கம்:

ருதுராஜ் ஆட்டமிழந்ததும், ஆட்டம் அப்படியே பஞ்சாப் பக்கம் திரும்பியது. மொயின் அலி 0 (6), ராபின் உத்தப்பா 2 (6), அம்பத்தி ராயுடு 4 (5), மகேந்திரசிங் தோனி 12 (15) போன்றவர்கள் அடுத்தடுத்து ஆட்டமிழந்து ஷாக் கொடுத்தனர். குறிப்பாக மகேந்திசிங் தோனி, ரவி பிஷ்னோய் ஓவரில் இன் சைட் எட்ஜ் ஆகி ஆட்டமிழந்ததும் மைதானம் கப்சிப் என அமைதியானது. இதனைத் தொடர்ந்து ஃபாஃப் டூ பிளஸி, ரவீந்திர ஜடேஜா ஆகியோர் நிதானமாக விளையாடத் துவங்கினார்கள்.

முதலில் நிதானமாக விளையாடி ரன்களை சேர்த்தார்கள். அடுத்து 17, 18 ஆகிய ஓவர்களில் 10, 12 என ரன்களை பறக்கவிடத் துவங்கினர். இந்நிலையில் ஃபாஃப் டூ பிளஸியும் அரை சதம் கடந்தார். இந்நிலையில் 19ஆவது ஓவரிலும் 10 ரன்கள் சென்றது. முகமது ஷமி வீசிய 20ஆவது ஓவரில் டூபிளஸி முதல் இரண்டு பந்தில் பவுண்டரி, சிக்ஸர் விளாசினார். மூன்றாவது பந்திலும் தூக்கியடிக்க முற்பட்டு கீப்பல் ராகுல் கையில் கேட்ச் கொடுத்து டூ பிளஸி 76 (55) நடையைக் கட்டினார். அடுத்து பிராவோ ஒரு பவுண்டரி மட்டுமே அடித்தார். இதனால், அந்த ஓவரில் 16 ரன்கள் என மொத்தம் 4 ஓவர்களில் 48 ரன்கள் கசிந்தது. இதனால் 15 ஓவர்களில் 82/5 என இருந்த சிஎஸ்கே 20 ஓவர்களின் முடிவில் 134/6 என ரன்களை சேர்த்தது.

சிஎஸ்கே மிகக் குறைந்த ஸ்கோர் மட்டுமே அடித்திருக்கிறது. பஞ்சாப் அணியை 17 ஓவர்வரை இழுத்துப் பிடித்துத் தோற்றால் ஒரு பிரச்சினையும் கிடையாது. 12 ஓவர்களில் பஞ்சாப் வெற்றிபெறும் பட்சத்திலும், அடுத்து ஆர்சிபி டெல்லிக்கு எதிராக அதிக நெட் ரன் ரேட் அடிப்படியில் வெற்றிபெறும் பட்சத்திலும் சிஎஸ்கே மூன்றாவது இடமும், ஆர்சிபி இரண்டாவது இடமும் பிடிக்க வாய்ப்புள்ளது. இதனால், ஆர்சிபி ரசிகர்கள் மகிழ்ச்சியில் இருக்கிறார்கள்.

Credit

You may have missed