October 20, 2021

News window

News around the world

daniel christian: RCB vs SRH: ‘மின்னல் வேக கேட்ச்’…தட்டித் தடுமாறி பிடித்த கிறிஸ்டியன்: ‘திருப்பு முனை இதுதான்’! – rcb vs srh first innings score card ipl 2021 52nd league

ஐபிஎல் 14ஆவது சீசன் 52ஆவது லீக் போட்டியில் ராயல் சேலஞ்சர்ஸ் பெங்களூர், சன் ரைசர்ஸ் ஹைதராபாத் அணிகள் மோதின. இதில் டாஸ் வென்ற ஆர்சிபி முதலில் பந்துவீச்சைத் தேர்வு செய்தது.

ஹைதராபாத் இன்னிங்ஸ்:

சன் ரைசர்ஸ் ஹைதராபாத் அணியில் ஓபனர்களாக ஜேசன் ராய், அபிஷேக் ஷர்மா ஆகியோர் களமிறங்கினர். பந்துகள் துவக்கம் முதலே, பேட்டிற்கு மெதுவாக வந்தது. இதனை சமாளித்து விளையாட முடியாமல் தவித்த அபிஷேக் ஷர்மா 13 (10) ரன்கள் மட்டும் சேர்த்து ஆட்டமிழந்தார். அடுத்து ஜேசன் ராய், கேன் வில்லியம்சன் ஆகியோர் பார்ட்னர்ஷிப் அமைத்தார்கள்.

இருவரும் நிதானமாக விளையாடி ரன்களை சேர்த்து வந்ததால், ஸ்கோர் ஏற்றம் கண்டு வந்தது. இந்நிலையில் ஹர்ஷல் படேல் வீசிய பந்தில் வில்லியம்சன் 31 (29) போல்ட் ஆகி நடையைக் கட்டினார். அடுத்து பிரியம் கார்க் 15 (11) ரன்கள் மட்டும் அடித்து பெவிலியன் திரும்பினார்.

மின்னல் வேக கேட்ச்:

இப்படி விக்கெட்கள் அடுத்தடுத்து விழுந்துவந்த நிலையில், மறுமுனையில் ஜேசன் ராயல் சிறப்பாக விளையாடி வந்தார். இவர் தொடர்ந்து அதிரடி காட்டுவார் என எதிர்பார்க்கப்பட்ட நிலையில் 14.6ஆவது ஓவரில் டேனியல் கிறிஸ்டியன் வீசிய வேகம் குறைந்த பந்தை ஸ்ட்ரைட்டாக அடிக்க முடிவுசெய்து, பேட்டை வேகமாக சுழற்றினார். அந்த பந்து பௌலர் கிறிஸ்டியனின் கைகளை வேகமாக தாக்கியது. இதனை எதிர்பாராத கிறிஸ்டியன், அந்த பந்தை இரண்டுமுறை கைகளால் தட்டிவிட்டு, இறுதியில் பிடித்து அசத்தினார். இதனால், ராய் 44 (38) ரன்கள் எடுத்து ஆட்டமிழந்தார். அடுத்து அப்துல் சமாத் 1 (3), விருத்திமான் சாஹா 10 (8) ஆகியோர் வந்த வேகத்தில் நடையைக் கட்டினார்கள். இறுதியில் ஜேசன் ஹோல்டர் 16 (13), ரஷித் கான் 7 (9) ஆகியோர் விளையாடினார்கள். சன் ரைசர்ஸ் ஹைதராபாத் அணி 20 ஓவர்களில் 141/7 ரன்கள் மட்டுமே சேர்த்தது.

ஹர்ஷல் படேல் 3/33 விக்கெட்களை கைப்பற்றி அசத்தினார். டேனியல் கிறிஸ்டியன் 2/14 விக்கெட்களை சாய்த்தார்.

Credit