December 8, 2021

News window

News around the world

babar azam: ‘ஸ்கெட்ச் மிஸ் ஆகாது’…இந்தியாவை வீழ்த்த பிளான் இதுதான்: பாகிஸ்தான் கேப்டன் அதிரடி பேட்டி! – t20 world cup 2021 we will win against india says pakistan captain babar azam

ஆடவர்களுக்கான 7ஆவது டி20 உலகக் கோப்பை தொடர் கடந்த 17ஆம் தேதி துவங்கி நடைபெற்று வருகிறது. முதலில் துவங்கியுள்ள தகுதி சுற்றில் ஐசிசி தரவரிசையில் முதல் எட்டு இடங்களை பிடிக்காத இலங்கை, வங்கதேசம், ஓமன் போன்ற எட்டு அணிகள் இரு குழுக்களாக பிரிந்து மோதி வருகின்றன. குரூப் பி பிரிவில் இடம்பெற்ற வங்கதேசம், ஸ்காட்லாந்து அணிகள் சூப்பர் 12 சுற்றுக்கு தகுதிபெற்றுவிட்டன. அதேபோல் குரூப் ஏ பிரிவில் கடைசி இரண்டு போட்டிகள் இன்று நடைபெறவுள்ளன. இது முடிந்த உடனே, மேலும் இரண்டு அணிகள் சூப்பர் 12 சுற்றுக்கு தகுதிபெறுவது உறுதியாகிவிடும்.

இந்த தகுதி சுற்று 22ஆம் தேதியுடன் நிறைவடைந்த பிறகு சூப்பர் 12 சுற்று ஆரம்பமாகும். இதில், ஐசிசி தரவரிசையில் முதல் எட்டு இடங்களில் இருக்கும் அணிகளும், தகுதி சுற்றில் தேர்வு செய்யப்பட்ட நான்கு அணிகளும் சேர்ந்து மோதும்.

இந்தியா பயிற்சி ஆட்டம்:

இந்த உலகக் கோப்பை தொடருக்காக இந்தியா இரண்டு பயிற்சி ஆட்டங்களில் பங்கேற்று விளையாடியது. முதல் போட்டியில் இங்கிலாந்து அணிக்கு அபார வெற்றிபெற்ற இந்திய அணி, அடுத்து ஆஸ்திரேலிய அணியையும் வீழ்த்தி அதிரடி காட்டியது. இதனால், அக்டோபர் 24ஆம் தேதி பாகிஸ்தானுக்கு எதிரான லீக் போட்டியில் இந்தியா அதிரடியாக விளையாடி வெற்றிபெறும் என எதிர்பார்க்கப்படுகிறது.

உலகக் கோப்பை வரலாறு:

உலகக் கோப்பையை பொறுத்தவரை இந்தியாவை பாகிஸ்தான் அணி ஒருமுறை கூட வீழ்த்தியது கிடையாது. இந்த வரலாறு காரணமாக பாகிஸ்தான் அணியினர் கூடுதல் அழுத்தங்களுடன் விளையாடி, தோற்கவும் அதிக வாய்ப்பிருப்பதாக கிரிக்கெட் விமர்சகர்கள் கருதுகிறார்கள்.

பாபர் பேட்டி:

இந்நிலையில் தற்போது பத்திரிகையாளர்கள் சந்திப்பில் பேசிய பாகிஸ்தான் கேப்டன் பாபர் அசாம், எதிர்வரும் இந்தியாவுக்கு எதிரான லீக் போட்டி குறித்துப் பேசினார். “மிகப்பெரிய போட்டியில் விளையாடும்போது நாம் நம்மீது எவ்வளவு நம்பிக்கை வைத்திருக்கிறோம் என்பது மிகவும் முக்கியம். அந்த நம்பிக்கை பாகிஸ்தான் அணியிடம் மிகவும் அதிகமாகவே இருக்கிறது. கடந்த காலம் குறித்து நாங்கள் சிந்திக்க விரும்பவில்லை. அதைப்பற்றி யோசித்தால், அழுத்தம் அதிகரிக்கும். இந்த தவறை நாங்கள் ஒருபோதும் செய்ய மாட்டோம்” எனக் கூறினார்.

மேலும் பேசிய அவர், “பதற்றம் இருந்தால், எதிரணி சுலபமாக வென்றுவிடும். இதனால், இந்தியாவுக்கு எதிரான போட்டியை சுலபமான, எளிய போட்டியாக கருது விளையாடுவோம். இதனால், பதற்றமின்றி விளையாட முடியும். நான் அணிக்குள் வந்த பிறகு அமீர மைதானங்களைதான் ஹோம் கிரோண்டாக பயன்படுத்தி வருகிறோம். இதனால், அந்த மைதானங்களில் எப்படி செயல்பட வேண்டும் என்பது மற்றவர்களைவிட எங்களுக்கு நன்றாக தெரியும். இருப்பினும், இந்தியாவுக்கு எதிரான போட்டியில் நாங்கள் கூடுதல் கவனத்தோடு செயல்படுவோம்” எனத் தெரிவித்தார்.

Credit