October 20, 2021

News window

News around the world

ashes series: ஆஷஸ் தொடர்: இங்கிலாந்து அணி அறிவிப்பு…17 பேருக்கு இடம்: நான்கு முக்கிய வீரர்கள் நீக்கம்! – england team selects experienced squad for ashes tour 2021 2022

வரும் டிசம்பர் மாத இறுதியில் துவங்கும் ஆஷஸ் தொடருக்கான இங்கிலாந்து அணி அறிவிக்கப்பட்டுள்ளது. இதில் மொத்தம் 17 பேர் இடம்பெற்றுள்ளனர். கேப்டனாக ஜோ ரூட், பயிற்சியாளராக கிறிஸ் சில்வர்வுட் ஆகியோர் நியமிக்கப்பட்டுள்ளனர்.

தற்போது அறிவிக்கப்பட்டுள்ள இந்த இங்கிலாந்து அணியை, முழுமையான அணி என்று எடுத்துக்கொள்ள முடியாது என கிரிக்கெட் விமர்சகர்கள் கருதுகிறார்கள். காரணம், அந்த அணியின் 17 பேர் கொண்ட வீரர்கள் பட்டியலில் ஆல்-ரவுண்டர் பென் ஸ்டோக்ஸ், சாம் கரன், ஒல்லி ஸ்டோன், ஜோப்ரா ஆர்ச்சர் போன்றவர்கள் இடம்பெறவில்லை. பென் ஸ்டோக்ஸ் நீண்ட ஓய்வு சென்றிருக்கிறார். இதனால், அவர் ஆஷஸ் தொடரில் பங்கேற்க மாட்டார் என முன்பே கணிக்கப்பட்டிருந்தது.

அதேபோல், ஜோப்ரா ஆர்ச்சருக்கு காயம் ஏற்பட்டிருந்ததால் அவரும் பங்கேற்க மாட்டார் என கூறப்பட்டு வந்த நிலையில், அது உண்மையாகியுள்ளது. சாம் கரனின் பந்துவீச்சு, ஆஸ்திரேலிய மண்ணில் எடுபடாது என்ற காரணத்தினால்தான், அணியில் சேர்க்கப்படவில்லை என தகவல் வெளியாகியுள்ளது. ஒல்லி ஸ்டோன் நீக்கப்பட்டதற்கான காரணம் இன்னும் வெளியாகவில்லை. மேலும், புதுமுக வீரர்களுக்கும் அணியில் வாய்ப்பு வழங்கப்படவில்லை என்பது குறிப்பிடத்தக்கது.

ஆஷஸ் தொடருக்கான இங்கிலாந்து அணி: ஜோ ரூட் (கேப்டன்), ஜேம்ஸ் ஆண்டர்சன், ஜானி பேர்ஸ்டோ, டாம் பெஸ், ஸ்டூவர்ட் பிராட், ரோரி பர்ன்ஸ், ஜோஸ் பட்லர், ஜாக் க்ரௌலி, ஹசீப் ஹமீது, டான் லாரன்ஸ், ஜாக் லீச், டேவிட் மாலன், கிரேக் ஓவர்டன், ஒல்லி போப், ஒல்லி ராபின்சன், கிறிஸ் வோக்ஸ் , மார்க் உட்.

Credit