October 28, 2021

News window

News around the world

aakash chopra: IPL: இந்த விதிமுறைய மாத்தியே ஆகணும்…இல்லைனா ஐபிஎல் காலிதான்: ஆகாஷ் சோப்ரா எச்சரிக்கை! – bcci should seriously consider allowing 5 overseas players per team from next ipl season says aakash chopra

ஐபிஎல் 14ஆவது சீசனின் இரண்டாவது பாதி ஆட்டங்கள் செப்டம்பர் 19ஆம் தேதிமுதல் துவங்கி நடைபெற்று வருகிறது. இன்னும் சில நாட்களில் லீக் போட்டிகள் நிறைவுபெற்றுவிடும். தற்போதைய புள்ளிப்பட்டியலின்படி டெல்லி கேபிடல்ஸ், சென்னை சூப்பர் கிங்ஸ் அணிகள் முதல் இரண்டு இடங்களில் நீடிக்கின்றன.

ராயல் சேலஞ்சர்ஸ் பெங்களூர் அணி மூன்றாவது இடத்தில் இருக்கிறது. கொல்கத்தா நைட் ரைடர்ஸ், மும்பை இந்தியன்ஸ் அணிகளுக்கு இடையில் நான்காவது இடத்திற்கு கடும் போட்டி நிலவி வருகிறது. இந்த லீக் சண்டைகள் அனைத்தும் முடிந்த பிறகு, அக்டோபர் 10ஆம் தேதி பிளே ஆஃப் ஆரம்பமாகும். இறுதிப் போட்டி அக்டோபர் 15ஆம் தேதி துபாயில் நடைபெறும்.

T20 World Cup 2021: வருண் சக்ரவர்த்தி ‘உடற் தகுதி’…அதிர்ச்சி தகவலை வெளியிட்ட பிசிசிஐ: விளையாடுவது சந்தேகம்?

மேலும் 2 அணிகள்:

அடுத்த ஆண்டுமுதல் மேலும் இரண்டு அணிகள் புதிதாக இணையவுள்ளது. இதற்கான மெகா ஏலம் இந்தாண்டு இறுதியில் நடைபெறும் என எதிர்பார்க்கப்படுகிறது. புதிய அணிகள் இணைவதால், போட்டிகளை அதிக எண்ணிக்கையில் நடத்த வேண்டிய சூழல் நிலவுகிறது. இந்த பிரச்சினையைச் சமாளிக்க லீக் சுற்றுகளின்போது 10 அணிகளையும் இரு குழுக்களாகப் பிரித்து மோதவிட பிசிசிஐ திட்டமிட்டுள்ளதாகத் தகவல் வெளியாகியுள்ளது. இதனால், 10 அணிகள் பங்கேற்றாலும், குறிப்பிட்ட காலத்திற்குள் போட்டியை நடத்தி முடித்துவிட முடியும்.

அந்த 4 அணிகள்:

தற்போதுவரை நடைபெற்ற ஐபிஎல் 14ஆவது சீசன் போட்டிகளில் ஆதிக்கம் செலுத்தியிருப்பது டெல்லி கேபிடல்ஸ், சென்னை சூப்பர் கிங்ஸ், ராயல் சேலஞ்சர்ஸ் பெங்களூர், மும்பை இந்தியன்ஸ் போன்ற நான்கு அணிகள்தான். கொல்கத்தா அணி கூட கடைசி கட்டத்தில் வெங்கடேஷ் ஐயர் தயவால் சிறப்பாக விளையாடி வருகிறது. இப்படி ஒரு சில அணிகள் ஆதிக்கம் செலுத்த ராஜஸ்தான் ராயல்ஸ், சன் ரைசர்ஸ் ஹைதராபாத், பஞ்சாப் கிங்ஸ் அணிகள் தொடர்ந்து தடுமாறி வருகிறது. இதற்கு முக்கிய காரணம், ஒரு அணிக்கு 4 வெளி நாட்டு வீரர்களை மட்டும் சேர்க்க வேண்டும் என்ற விதிமுறைதான் என பலரும் கூறி வருகின்றனர்.

T20 World Cup 2021: அணித் தேர்வில் மாற்றமா? தேர்வுக் குழு தலைவரையும் நீக்குங்க: முன்னாள் வீரர் பொளேர்!

ஆகாஷ் சோப்ரா கருத்து:

இந்திய அணி முன்னாள் வீரர் ஆகாஷ் சோப்ராவும் இதே குற்றச்சாட்டைத்தான் முன் வைத்துள்ளார். தனியார் பத்திரிகை ஒன்றுக்குப் பேட்டிகொடுத்துள்ள அவர், “ஐபிஎல் தொடர்களில் நான்கு அணிகள் மட்டுமே ஆதிக்கம் செலுத்துகின்றன. மீதமுள்ள அணிகள் எப்போதும் போல போராடிக் கொண்டிருக்கின்றன. அதிலும் அடுத்த ஆண்டு மேலும் இரண்டு அணிகள் சேர்க்கப்பட உள்ளன. இதனால், பிரச்சினை மேலும் பெரிதாக வாய்ப்புள்ளது” எனக் கூறினார்.

மேலும் பேசிய அவர், “இந்த சீசனில் டெல்லி, சென்னை, பெங்களூர், மும்பை அணிகள்தான் தொடர்ந்து ஆதிக்கம் செலுத்தியுள்ளது. மற்ற அணிகள் எப்போதும் போல போராடிக் கொண்டிருக்கிறது. இதற்கான, பிரச்சினை எங்கு உள்ளது என்பதை நாம் புரிந்துகொள்ளலாம். வீரர்களை வாங்குவதில்தான் பிரச்சினை இருக்கிறது. 7 உள்நாட்டு வீரர்கள், 4 வெளிநாட்டு வீரர்கள் இருக்கும்போதே ஐபிஎல் தரம் உயராத நிலையில், அடுத்த ஆண்டுமுதல் 10 அணிகள் வரை விளையாடவுள்ளது. இதனால், ஐபிஎல் தரம் பெரிய அளவில் பாதிக்கப்படலாம். இதனை தடுக்க வேண்டும் என்றால், ஒரு அணி ஐந்து வெளிநாட்டு வீரர்களை சேர்த்து விளையாட அனுமதிக்க வேண்டும்” எனக் கூறினார்.

Credit