October 19, 2021

News window

News around the world

பிரதமரின் ‛கதி சக்தி திட்டம் வரும் அக்.,15ல் துவக்கம்| Dinamalar

புதுடில்லி-சுதந்திர தினத்தன்று பிரதமர் மோடி அறிவித்த, ‘பிரதமர் கதி சக்தி திட்டம்’ வரும் 15ல் துவக்கப்படுகிறது.

latest tamil news

நாட்டின் 75ம் ஆண்டு சுதந்திர தினம் கடந்த ஆக., 15ல் கொண்டாடப்பட்டது. அப்போது டில்லி செங்கோட்டையில் தேசிய கொடியேற்றி பிரதமர் மோடி பேசுகையில், ‘தொழில் துறையில் உலக அளவில் இந்தியா போட்டியிட உதவும் வகையில், ‘பிரதமர் கதி சக்தி’ என்ற தேசிய மாஸ்டர் பிளான் திட்டம் நிறைவேற்றப்படும்’ என்றார்.

இந்நிலையில் கதி சக்தி திட்டத்தை பிரதமர் மோடி, வரும் ௧௫ல் துவக்கி வைக்கிறார். இந்த திட்டம் பற்றி, மத்திய தகவல் தொழில்நுட்பத்துறை அமைச்சக உயர் அதிகாரி ஒருவர் கூறியதாவது:பிரதமர் கதி சக்தி திட்டம் நாட்டின் வளர்ச்சியை அதிகரிக்கும். நிர்வாகத்தில் பெரிய மாற்றத்தை இந்த திட்டம் ஏற்படுத்தும்,.மத்திய அரசின் ௧௬ துறைகள் ஒரே ‘டிஜிட்டல் பிளாட்பார்மில்’ இணைக்கப்பட்டு, 2025ம் ஆண்டு வரைக்கான உள்கட்டமைப்பு பணிகளை ஒருங்கிணைந்து மேற்கொள்ள இந்த திட்டம் வழிவகுக்கிறது.

latest tamil news

இந்த பிளாட்பாரத்தில் இணைய, மாநில அரசுகளுக்கும் அழைப்பு விடுக்கப்பட்டுள்ளது.ரயில்வே, நெடுஞ்சாலை, பெட்ரோலியம், மின்சாரம், தொலை தொடர்பு உள்ளிட்ட ௧௬ துறைகள் ஒரே டிஜிட்டல் பிளாட்பாரத்தில் இணைக்கப்பட உள்ளன. இவை தங்களின் உள்கட்டமைப்பு வளர்ச்சி திட்டங்களை மற்ற துறைகளுக்கு தெரிவிக்க உதவும். இவ்வாறு அவர் கூறினார்.

Advertisement

Source link