October 28, 2021

News window

News around the world

‘ஒருமுறை கூட’…ஐசிசி கோப்பை வெல்லாத டாப் 3 பிரபல கேப்டன்கள்!

3.சர் விவியன் ரிச்சர்ட்ஸ்:

3-

மேற்கிந்தியத் தீவுகளை சேர்ந்த சர் விவியன் ரிச்சர்ட்ஸ் 1980 முதல் 1991 வரை மேற்கிந்தியத் தீவுகள் அணிக்கு கேப்டனாக இருந்தார். எதிரணிகள் பயப்படும் அளவுக்கு அணியை ஆக்ரோஷமாக வழிநடத்தி வந்தார். துரதிருஷ்டவசமாக இவர் கேப்டனாக இருந்த 11 ஆண்களில் ஒருமுறை மட்டுமே உலகக் கோப்பை நடைபெற்றது. 1987ஆம் ஆண்டில் நடைபெற்ற அந்த உலகக் கோப்பை தொடரில் மேற்கிந்தியத் தீவுகள் அணி லீக் சுற்றிலேயே வெளியேறி, ஆச்சரியமளித்தது.

2.முகமது அசாருதீன்:

2-

இந்திய அணியின் வெற்றிகரமான கேப்டன்களில் இவரும் ஒருவர். மொத்தம் 147 ஒருநாள் போட்டிகளில் இந்திய அணியை வழிநடத்தி 90 வெற்றிகளை பெற்றுக்கொடுத்துள்ளார். இவரது வெற்றி சதவீதம் 54.16 ஆகும். 1990 முதல் 1999 வரை இந்திய அணிக் கேப்டனாக இவர் இருந்த நிலையில் 1992, 1996, 1999 ஆகிய ஆண்டுகளில் நடைபெற்ற உலகக் கோப்பையில் இந்திய அணி கோப்பை வெல்லவில்லை. இறுதிப் போட்டிக்கு கூட முன்னேறவில்லை.

1.கரீம் ஸ்மித்:

1-

தென்னாப்பிரிக்க அணி முன்னாள் கேப்டன் கரீம் ஸ்மித் 150 ஒருநாள் போட்டிகளுக்கு கேப்டனாக இருந்து 92 வெற்றிகளை பெற்றுக்கொடுத்துள்ளார். இவரது வெற்றி சதவீதம் 64.23 ஆகும். 2006, 2009ஆம் ஆண்டில் நடைபெற்ற சாம்பியன்ஸ் டிராபியில் பங்கேற்ற தென்னாப்பிரிக்க அணிக்கு இவர்தான் கேப்டனாக இருந்தார்.

அதேபோல் 2007, 2009, 2010ஆம் ஆண்டுகளில் நடைபெற்ற டி20 உலகக் கோப்பை தொடர்களிலும் ஸ்மித் தலைமையிலான தென்னாப்பிரிக்க அணி பங்கேற்றது. அதுமட்டுமல்ல, 2007 மற்றும் 2011 ஆம் ஆண்டில் நடைபெற்ற ஒருநாள் உலகக் கோப்பை தொடரின்போதும் தென்னாப்பிரிக்க அணிக்கு ஸ்மித்தான் கேப்டனாக இருந்தார். இப்படி 7 ஐசிசி தொடர்களிலும் கேப்டனாக இருந்த ஸ்மித், ஒருமுறைகூட தென்னாப்பிரிக்க அணிக்கு கோப்பை வென்றுகொடுக்கவில்லை.

Credit